வாழ்க்கை

நானும் அவளும் காபி அருந்தினோம்
அவளது கோப்பை கை நழுவியது
அவளது கனவுக்கோட்டைகள்
உடைந்தது போல் கண் கலங்கினாள்
அறையெங்கும் பால்வாசம்
நாம் நிஜத்தில் வாழ்கிறோம் என்றேன்

சரியாகுமா

பாஸ்போர்ட் அலுவலகங்களில்

பெருங்கூட்டம்

அணுஉலையை 

இறக்குமதி செய்கிறோம்

படித்தவர்களை

ஏற்றுமதி செய்கிறோம்

மாற்று

                                         
                                           இன்றைய  இரவில்
                                           நிலாவைப் பார்த்தேன்
                                           நட்சத்திரங்களைப் பார்த்தேன்
                                           என் வீட்டு முற்றமெங்கும்
                                           நிலவின் ஒளி
                                           மின்வெட்டுக்கு நன்றி

முரண்பாடு

                                                   
                                                             மழித்தலும் நீட்டலும்
                                                             வேண்டாம் என்ற
                                                             வள்ளுவனுக்கு நாம்
                                                             கொடுத்த அடையாளம்
                                                             நீண்ட தாடி